من طرف نور الثلاثاء مايو 19, 2009 4:06 pmالمخطوبين بيروحوا على أحلى مطاعم في البلد وأخر انسجام
!! وادي دقني لو العروسة حتشوف مطاعم تاني بعد الزواج !!
المهم يا أنستي العزيزة ،، لو ربنا فك عقدتك و اتخطبتي
اول شي
الشوكة والسكينة
لازم تعرفي الله يسترك
الشوكة تتمسك من ايدها من الطرف ..
مش من الوسط ولا من قدام
وبطلي افلام الرعب الي بتشوفيهم ..
مش خنجر هو
2
:: العيش ::
اوعى تفضحينا وتقطعيه باسنانك
!! و لا تقطعيه نصين بايديكي وكل نص وابلع .. اوعي
العيش بتقطع بالسكينة في الطبق ..
وبعدين تاخدها لقمة لقمة وتاكليها بالعافية
!! قال يعني نفسك مسدودة
واضغطي على اعصابك شوي لحد ما تروحي بيتكم وهناك خدي راحتك زي ما انتى عاوزة
3
:: الشوربة ::
أبوس رجلك .. هذا البند مهم جداا
الشوربة تتشرب من غير صوت خالص .
ومن غير ما تقعدي تنفخي فيها
!! زي القهوجي الي بنفخ الحجر للزبون
اهم شي بالملعقة وبدون صوت .. و تكون سخنة، مولعة، برضه بدون صوت
ومتنسيش تسيبي تلت الطبق مليان
ولا تميليه ع طرفه وتلعبي مع أخر نقطة في الطبق
4
:: الرز ::
الرز طبعا يتاكل بالشوكة
إوعك تمدي ايدك ع المعلقة وتغرفي من الطبق وتعبّي !! إوعي
الرز بالشوكة .. وكأنك بتبوسيه مش بتاكليه
5
:: المكرونة الاسباجيتي ::
برضه بالشوكة .. تتلف على طرف الشوكة
لحد ما تخلص وبعدين في بئك في هدوء ومن سكات
مش تشفطيلنا المكرونة عود عود
6
:: السمك ::
هو السمك مشكلة شوي
ركزي معي لتعرفي كيف تفصلي اللحم عن الشوك
بتقطعي اللحم من النص بالطول .. وبعدين افردي اللحم ع الناحيتين
وبس تخلصي ناحية لا تقلبي السمكة .. بلاش فضايح
شيلي السلسلة بالشوكة والسكينة وحطيها في جنب الطبق
وكملي النص التاني
ولا اقولك .. بلا الفيلم الهندي ده
بلاها اكلة السمك .. قولي ما بحبش السمك وريحي نفسك
7
:: الجمبري ::
لو بتعرفيه يعني
اول ما ينزل طبق الجمبري .. بصّيله كدا من تحت لتحت
قال يعني زهقانة من كتر اكل الجمبري الجامبو في بيت ابوكى
الله يخليهولك .. واتنهدي بصوت كدة وقولي
هو انت تاني يا جمبري .. انت ورايا ورايا
و تروحي قاطعة راس الجمبري بالشوكة .. بليز انا في عرضك
انسي المصمصة في الجمبري خصوصا
8
:: البطاطس ::
سواء مسلوقة ولا محمرة
لا تهرسيها وترميها ع صحن الرز وتلغّي .. لا كدا غلط
بالشوكة وشوي شوي زي ما تكوني راح تبكي من كتر ما
البطاطس صعبانة عليكي يا عيني
يقطعنى
9
:: الفاكهة ::
لو الفاكهة فيها بزر .. بتطلعيه من بئك بشويش
وتحطيه بايديكي وهي مقفولة .. و في طفاية السجاير الي ع الطربيزه
وانسي نظام التفتفة .. مش وقته
10
:: النهاية ::
بس تخلصي أكل
تحطي ايدك ع بطنك -اللي عصافيرها بتزمّر من العينات الي شميتيهم
وتقولي مش قادرة ، مش ممكن .. اول مرة اكل بفجع كدة
قدامي اسبوع مش هبص للأكل
وبعدين تمسكي الفوطة اللي دايما محطوطة ع الطربيزه
بلا اهمية وتبوسيها .. قال يعني بتمسحي بئك وبعدين استأذني عشان تصلحي الميك أب .. وتروحي التواليت
وطّلعي من شنطة ايديكي ساندويتش طعميه و شوية زتون وفحل بصل وقرن فلفل
.. وبالهنا والشفا
